Di varios aña atras, hefe di Registro Civil y Censo, Sharin Luydens a acerca e asociacion di banco local cu e proposicion pa automatisa e suministra di e documento Attestatie de Vita cu ta un rekisito regular pa e pago di pension na adultonan mayor. Dos banco, esta Aruba Bank y Caribbean Mercantile Bank, a bay di acuerdo y asina a duna inicio na e proceso asumiendo tambe e inversion necesario.
E acuerdo entre e banconan y e departamento di gobierno ta cu e cliente mester duna autorisacion na e banco pa e por haya acceso na e sistema digital cu e proposito di obtene su Attestatie de Vita. E facilidad aki ta evita e molester cu e hende grandi mester bay Censo personalmente pa solicita e documento.
“Nos ta wak e como un adelanto den servicio y tambe den menos gasto pa gobierno den print papel, etc. etc.” asina Luydens a indica. Ta spaar Censo den papel, ink y ora di personal, mientras cu di otro banda, no ta afecta su entrada. Den e relato anual ta indica cu aña pasa a emiti un total di 3.519 Attestatie de Vita pa un balor di casi 18 mil florin pa e caha di gobierno.
Pa e relato completo, lesa TREMPAN
