Mr. Evelyn Wever-Croes a logra e record cantidad di voto den su historia politico. El a inicia na eleccion 2009 cu 1621 voto, creciendo den eleccion 2013 pa 3396 voto y a crece atrobe den 2017 pa 3503 voto riba su nomber. No ta un aumento mucho grandi, pero toch e ta crecemento.
Xiomara Ruiz a start den MEP na eleccion 2009 cu 260 voto y a crece mesora den 2013 pa 2445 voto y a crece un tiki mas den 2017 awor pa 2696 voto.
Chris Romero a start su carera na 2005 cu 314 voto, a subi na 2009 pa 622 voto, na 2013 a subi te cu 1273 voto pero a cay den e eleccion aki bek na 1048 voto.
Dangui Oduber a subi lista na 2013 cu 1749 voto y crece awor pa 2399 voto. Glenbert Croes, cu a logra su record di votonan individual na 2013, cu 2366 voto, a conoce un aumento chikito te na 2491 voto.
Guilfred Besaril, cu na 2013 tabatin 833 voto, a baha te na 508 voto. Hendrick Tevreden a logra 792 voto.
Rocco Tjon cu a ranca sali pa prome bes a haya 1213 voto riba su nomber.
Endy Croes a crece di 509 pa 850 voto, mientras Ady Thijsen a subi di 475 voto na 2013 pa 511 voto den e eleccion aki.
Bale la pena menciona e resultado di dr. Arthur Vallego cu a logra 972 voto y Edgar Vrolijk cu a subi di 586 na 2013 pa 749 voto e aña aki.