Durante Arubadag tawata tin diferente seccion hopi interesante, un seccion cu no por haci falta durante e celebracion di tur aña, ta e variacion di cuminda tipico. A combersa cu Dennis van Hout cu ta propietario di “Di Palo Catering”. Van Hout a biba na Aruba, su mayornan ta Arubiano y Hulandes, Van Hout ta un chef di profesion.
E experto den e arte culinario ta conta cu na momento di e pandemia na aña 2020, su persona no tawata tin trabao y a cuminsa cu e idea di lanta su propio compania di catering “Di Palo Catering”, cu a bira masha gusta pa e publico na Hulanda pa nan variedad di platonan crioyo. Tin un demanda pa e cuminda crioyo Arubiano y Antiano.
Eugene Agustin ta nativo di Boneiro y tin su propio empresa na Hulanda pa 15 aña conoci como “Criollo Printing” cu ta un empresa specialisa den imprenta di T-shirt , pechi, sticker. Agustin ta mustra cu despues di casi 5 aña di ausencia di e celebracion di Arubadag debi na e pandemia y otro contratiempo, por bisa cu e aña aki e celebracion ta den su forma original. E propietario a enfatisa cu na Hulanda, Arubadag ta un celebracion grandi.
Deborah Cicilia ta un Arubiano cu raiznan Boneriano residencia na Hulanda, ta co-propietario di “Criollo Printing.” Cicilia a conta cu e tawata consehando Eugene tocante pre-benta (voorverkoop) di t-shirts, como tambe bende t-shirts na e celebracion di Arubadag.
Varios t’e Rubianonan na Hulanda cu ta doño di nan mesun negoshi y ta probecha di bin Arubadag pa ofrece nan productonan na benta como tambe, e ta un oportunidad di wak bo amigo- y amistadnan, conocirnan cu bo tin hopi tempo sin wak.
