Diaranson tabata un dia hopi special pa Cuerpo Policial Arubano, caminda cu trinticinco agente policial a nan decreto gubernamental, diescinco a celebra nan hubileo di 25 y hasta 30 aña di servicio den Cuerpo Policial di Aruba.
Altocomisario drs. Ramon Arnhem a refleha riba e dia special aki, debi cu e organisacion di husticia ta den un desaroyo positivo pa duna tur colega nan reconocimento manera debe ser. Entre otro regla e “landsbesluiten” y e “rechtspositie”, esaki ta motiva y reconoce nos coleganan pa nan trabao.
E altocomisario ta enfatisa cu ta importante cu e “persona ta central den nos organisacion”. Relaciona cu e landbesluiten, e representante di husticia a mustra cu tin coleganan mester a warda demasiado riba un landsbesluit y e proceso pa regla esaki.
Arnhem a mustra cu su tarea encabesando Cuerpo Policial di Aruba cu e tey pa su coleganan y no ta spera nada a cambio. “Mi ta sinta den e funcion aki na prome luga pa mi coleganan y nan bienestar, y tambe pa nos sociedad y siguridad. -Esey ta nos tarea- Pasobra si no tawata asina lo mi no mester ta sinta aki”, segun e representante di husticia a mustra.
Na final e hefe policial a felicita na tur cu a ricibi nan hubileo y ta gradici nan pa nan dedicacion na Cuerpo Policial y na nos comunidad. “For di aki laga nos ban dilanti positivo.”
