E imagen nobo pa e siguiente etapa di Cuerpo Policial Aruba ta cla pa subi caminda. Den un celebracion ameno na e compania di auto Yrausquin a haci entrega oficial di e flota nobo pa patruya policial, departamento di trafico y polis na frontera.
Den presencia di Minister di Husticia y Asuntonan Social Rocco Tjon, altocomisario di Polis drs. Ramon Arnhem, mando policial y gerencia di Yrausquin a haci e acto simbolico di entrega di en total di 34 auto policial nobo.
Di marca Isuzu algun aña atras awor KPA su patruya policial ta cla pa sigui patruya den Ford model Everest y Ranger. Un cambio grandi na e vehiculo policial pa locual ta trata e marca y modelo pero tambe tecnologia avansa uzando e ultimo modelo nobo di marca “Whelen”.
A haci un cambio radical for di e zwaai licht blauw y oraño pa blauw y cora. E cambio aki tabata ta pa miho visibilidad y siguridad pa e agentenan policial pero tambe pa comunidad. Tambe lo tin zonido di sirena diferente compara cu antes pa miho zonido.
Como fuera poco e flota nobo aki tambe lo ricibi “Data Terminals” p’asina e agentenan por ta miho ekipa den nan patruya policial cu informacion. Di e forma aki Aruba ta dal un stap grandi locual ta tecnologia y husticia.
“Inverti den nos hendenan, tecnologia y material y crea un sentido di siguridad pa nos comunidad y nos agentenan. Cuerpo Policial Aruba ta den desaroyo positivo p’asina crea un base solido pa e futuro di KPA”. Tabata palabranan di altocomisario Arnhem hopi satisfecho cu otro logro mas pa bienestar di KPA y e siguridad di Pais Aruba.
E patruya policial nan aki lo subi riba nos carteranan cu e colornan di nos bandera blauw cu su strepinan geel cu orguyosamente nos ta carga nos bandera Aruba dushi tera.
