Fiscal di Ministerio Publico, mr. Jolanda Pronk a informa awe cu entre ayera nochi y awe mainta cu tabatin Toque de Queda, cu Polis a detene no menoa cu 31 sospechoso. Ta trata aki di ciudadanonan cu no a sigui e ordo di Polis pa keda den cas y pa no ta riba caminda publico. E Fiscal a sigui splica cu di e 31 detencionnan, cu 29 sospechoso a haya multa y 2 di nan por a bay cas sin multa.
Mas ainda, e Fiscal a splica cu tur e 29 sospechosonan cu a haya multa lo tin cu paga mil florin. Dos di e sospechosonan a resisti nan detencion, pa cual cada un a haya un multa adicional di 400 florin. Bisando esey, Ministerio Publico a cobra no menos di Afl. 29.800,= na boet. A splica cu tur e sospechosonan por a bay cas despues, cu un acuerdo cu nan tin dos siman pa paga e multa. Si no cumpli, lo manda nan un citacion pa presenta dilanti Hues, unda cu normalmente e multanan ta subi.
