Corte: Ex-director di SERLIMAR no a cumpli cu su trabou

No solamente Corte a conclui cu retiro di Henley Davelaar como director di SERLIMAR ta a base legal, pero tambe a rechasa su peticion pa pago di resto di su contracto. 

Tabata un caso cu a bay Corte varios biaha, for di aña pasa, prome cu a yega na un conclusion. mr. David Kock, kende a representa SERLIMAR, a splica cu hues a mustra cu di berdad e retiro tabata hustifica pasobra e no a cumpli, entre otro cu cobransanan atrasa pa yuda mehora posicion financiero di e compania. 

Un di e motibonan pakico a bisa cu su retiro tabata legal ta pasobra den e acuerdo tin un clausula cu ta bisa cu ambos banda por finalisa e acuerdo, basta cu haci esaki cu un luna di anticipacion of di advertencia. Hues ta splica si cu ora tin un clausula asina, no ta asina por (den e caso aki SERLIMAR) por haci uzo di dje. Como un doño di trabou responsabel, SERLIMAR por uza e clausula aki dunando un luna di tempo si tin un motibo pisa pa esaki. Si esey no ta e caso, e ora SERLIMAR ta actua di un forma no corecto. Y ta e punto aki ta loke cu Corte a analisa.

Asina a splica cu for di momento cu Davelaar a cuminsa traha dia 23 di october, 2018, e tabata na altura di e situacion financiero precario di SERLIMAR, y esaki ta debi cu e seccion di cobransa no ta funciona manera mester ta y entradanan no tabata drenta. Como director e tabatin e tarea pisa pa crea un miho sistema di factura y cu mas tanto cliente posibel ta paga nan recibonan. E splicacion di Davelaar cu no ta cuadra cu el a haya e tarea aki, a wordo kita di mesa door di Corte. 

Loading…

Taking too long?

Reload document

| Open in new tab

Download [151.26 KB]

Tin corespondencia unda ta adverti Davelaar cu e no ta cumpliendo pa ehecuta e cambionan, cu nan ta spera di dje pa e trece ordo, cu e cobransanan ta cuadra y pusha pa e hendenan paga. Te dia di su retiro e no a cumpli. 

Tabata di conocemento general na Aruba cu den tempo di retiro di Davelaar for di SERLIMAR e seccion di incasso no tabata funciona mes y solamente un grupo chikito di clientenan ta paga pa recoge sushi. 

E mal funcionamento di Davelaar como director ta motibo suficiente y di peso pa finalisa e contracto prome cu tempo, manera cu a tuma luga. No por bisa cu e doño di trabou a actua incorecto of inhusto, manera Davelaar a bisa. 

E ariba menciona ta nifica tambe cu no tin base pa bay di acuerdo cu e peticion haci door di Davelaar pa cual ta rechasa su demanda.  Tambe a rechasa su peticion pa paga e resto di su contracto. E tabatin un contracto valido pa cinco aña na balor di 15 mil florin pa luna.