Departamento di Obra Publico ta informa pueblo di Aruba en general y specialmente nos
automobilistanan cu ta haci uzo di e caminda di Edenstraat cu dia 4 augustus 2017 lo bay construi un verkeersplateau.
Construccion di e verkeersplateau ta tuma luga entre Edenstraat 5 y edenstraat 7. Rutanan alternativa lo keda indica cu baricadanan y borchinan di aviso y e orario di trabou lo ta di 7’or di anochi y ta programa pa caba 3’or di marduga. En conexion cu e trabou menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.
