Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Ierlandstraat cu dia 16 y 17 di augustus 2017 lo bay construi dos verkeersplateau.
Dia 16 lo construi un verkeersplateau na Ierlandstraat 25 y dia 18 di augustus lo construi e otro na Ierlandstraat 13. Rutanan alternativo lo keda indica cu baricadanan y borchinan di aviso y e orario di trabou lo ta di 7’or di anochi y ta programa pa caba 3’or di marduga. En conexion cu e trabou menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.
