Durante un sesion digital Conseho Electoral (CE) a anuncia riba nan decision di e validez di e lista di e candidatonan entrega dia 7 di mei 2021 y si ta mantene candidatonan cu ta aparece riba e listanan, segun e reglanan menciona den articulo 25 y 26 di e ley di Ordenansa Electoral.
Durante e sesion aki, presidente di CE, mr. dr. Glenn Thode, a repasa e listanan. Despues di a controla e listanan y cu tur fayo ta coregi, CE a determina cu e listanan ta valido manera cu a entrega dia 7 di mei 2021. Cu esaki tin 12 lista ta bayendo pa eleccion dia 25 di juni, 2021.
Pa e decision tuma, cu articulo 27 di kiesverordening ta duna 2 dia pa esunnan tin obhecion.
Thode a remarca finalmente cu ora analisa e listanan kisas por tin pregunta tocante e candidatonan cu ta riba e listanan aki. Ta pa e motibo aki ta referi pa articulonan 22 y 24 di e Kiesverordening. A base di esey ta determina tambe cu encuanto e criterionan pa un persona por ta un miembro di Staten, CE no tin e autoridadnan legal a base di articulonan ey pa indica cu un persona lo no por ta candidato riba un di e listanan.
Esaki ta un tarea di Staten mes, determina den e Memorie van Toelichting di e tratamento di e kiesverordening na 1987.
