Algo pasa di 12 or dialuna madruga awa tabata yobe riba crusada di luz di trafico di Palm Beach ora un automobilista a tuma chens di pasa den luz cora y dal den auto.
E BMW color shinishi a purba su suerte di un manera iresponsabel dor di no respeta lus di trafico. Testigonan a señala cu e chauffeur di e auto cu a haya lus berda a purba evita impacto dor di hala un banda, pero envano.
E chauffeur femenino den e Toyota Celica a resulta herida y transporta pa Hospital. E chauffeur cu a ocaciona e accidente no tabatin papelnan di su auto na ordo, Ambos auto a keda cu basta sla atras, e wiel di e BMW a kibra y no por a sigui core. Polis a confisca e auto.
