Recientemente a sosode un caso bastante lamentabel caminda cu un ciudadano a hay’e den un situacion fastioso na lama. Manera semper, 24ora su portanan ta habri pa un y tur expresa cualkier experiencia fuera di lo comun riba nos isla. E biaha aki ta Lilia van der Linden a conta cu ta custumber p’e pa landa mainta trempan alrededor di 6:00 am n’e lama di Eagle Beach, sinembargo ta prome biaha cu a hay’e den un situacion asina aki.
Asina el a sigui conta cu e tabata landando banda di e boeinan hunto cu su amiganan y dado momento el a sinti cu algo a morde su pia. El a cuminsa sapatia den awa y a cuminsa pensa cu kisas ta un tribon, pero el a bay bou awa pa mira cua bestia ta atacando e dje forma aki. El a tuma nota di un bestia parecido na un colebra color preto y diki lora rond di su pia. El a cuminsa landa bay direccion canto, pero e bestia a keda atac’e te cu el a perde su sapato di lama di tanto sapatia. Na final a tuma nota cu ta un total di diesseis biaha e bestia a mord’e.
Tambe a tuma nota cu normalmente un congla ta morde un solo biaha y bay, sinembargo, esun aki a keda ataca e victima.
Pa cobertura mas amplio lesa edicion di TREMPAN mañan. Link: https://trempan.com/
