Diamars anochi a tuma luga un charla basta interesante organisa pa CAft, unda cu presidente di e entidad, profesor Gradus a duna un bista loke ta finansa publico.
Tabatin un cantidad grandi di persona cu a asisti n’e charla aki cu a tuma luga na Hilton Hotel, cu tabatin nan propio perspectiva riba e discurso duna p’e profesor.
Un di e personanan cu tabat’ey presente tabata director di Departamento di Impuesto, Luenne Gomez-Pieters, kende a comenta cu loke ta importante ta di e informacion riba e estado financiero di nos pais y kico CFT mes ta mira como solucion y/of desafionan cu tin riba nos caminda.
Pero tambe profesor Gradus a menciona den su charla cu ta importante pa tene cuenta cu tin cu tene bista rib’e gastonan di gobierno pa trece esaki den balansa, como tambe e convenionan cu tin a base di landspakket y/of e protocol caminda cu Aruba tin cu yega na surplus den futuro (2023 padilanti).
Helena Engelbrecht tambe a asisti e charla di profesor Gradus na Hilton y tin su mesun pensamento. E kier a conoce Gradus. Den varios ocasion el a manda su opinion pa Amigoe unda cu e no ta di acuerdo di loke Gradus sa trece dilanti.
El a conta cu el a mira ki clase di persona e ta, un persona cu ta pensa riba tabel y grafiek. P’esey el a para y mustra su desacuerdo. Engelbrecht a haya un confirmacion di loke el a spera, y porcierto no uno positivo.
Engelbrecht ta kere cu gobierno mes mester bin cu nan propio plan. El a ripara cu toch no ta registra cierto cos, cual segun Engelbrecht, ta hustifica. Manera den asunto di personal, unda cu profesor Gradus ta keda insisti riba dje.
Presidente di OPPA, Ivo Valdes tabat’ey presente y a comenta cu e charla aki tabata hopi interesante. Cu tipo di charla asina, ta cuestiona kico ta bay pasa na Aruba cu nos grandinan y tambe cu e generacion cu ta creciendo. No ta haya ta husto cu nos gobernantenan ta traha y crea debe pa e futuro generacion.
Pa mayor cobertura lesa TREMPAN.
