Cosnan no por a cuminsa pio pa Colombia. E Seleccion cafetero tabata tin un debut cu parce tabata simpel dilanti Hapon, pero tur cos a complica den e di 3 minuut, ora cu un desatencion den fondo a caba cu un remate y e man di Carlos Sanchez.
No solamente tabata un penalty, sino cu tambe tabata tin expulsion pa e mediocentro.
La Roca mester a bandona e tereno den e accion anterior na e gol di Kagawa for di e punto di penalty. E hungador di Pachuca a anota 1-0 tempran. Pekerman mester a reordena e situacion: el a pone Wilmar Barrios pa Juan Guillermo Cuadrado y e ekipo a cuminsa sinti su mes mas comodo. Te cu a yega e tiro liber cu Radamel Falcao a inventa y e imaginacion di Juan Fernando Quintero cu a pone e empate cu un tiro liber bao di e barera.
Den e complemento, otro distraccion a marca tur cos: di cabes, Osako a gana tur y a pone e 2-1 cu tabata e resultdo final. Ni James Rodriguez, ni Carlos Bacca por a cambia historia ingresando for di banki. Colombia mester rema for di e derota aki.
foto: FIFA©
