Na aña 1983 a funda Club Kibrahacha riba un iniciativa di Aruba Rotary Club. Despues di algun preparacion a funda Fundacion Centro Pa Nos Grandinan dia 9 di september 1985. Como meta e fundacion tin pa establece y mantene un centro di actividad pa nos grandinan.
Pues awe Club Kibrahacha ta celebrando 36 aña di existencia y den esaki kier revela un logo nobo y tambe duna reconocemento na un persona. Esaki sigur ta un celebracion grandi ya cu e fundacion tin 36 aña ta brinda servicio na nos grandinan di tur districto.
Tabatin varios persona presente den e celebracion grandioso aki, cu a tuma luga na Plaza Eric d’Arnault, nombra tras di e fundado di e fundacion, esta Eric d’Arnault. Tambe a duna reconocemento na Irene Robles de Medina, e tabata e prome boluntario di Club Kibracha y ya e tin 35 aña ta traha cu e fundacion, fungiendo como boluntario.
Pa cobertura mas amplio, lesa edicion di TREMPAN mañan.
