CITGO Petroleum Corp a bisa diamars cu nan ta den combersacionnan cu e Gobierno di Aruba pa e contract pa opera su refineria, un dia despues cu e isla a informa cu nan lo bay forma un comision asesor pa dicidi e futuro di e instalacion.
E subsidiario Mericano di e petrolera estatal Venezolano PDVSA, a informa cu nan ta teniendo “combersacionnan activo cu nos contraparte na Aruba y nos ta spera pa yega na un solucion pa traha hunto den futuro.”
