Awe den oranan di atardi Departamento di Salud a manda e ultimo cifranan di esnan cu a test positivo. Den esaki por a mira cu e casonan activo ta bahando pa motibo cu tin hopi mas hende recuperando.
Segun resumen di awe por tuma nota cu 130 persona a recupera, tin 36 caso nobo di Covid-19 cu a registra (20% “positive rate”) di cual tur ta residente. Total di activonan awo ta 1194, total di testnan haci ta 331, y testnan haci bou residente na laboratorio di hospital ta 172 y total di caso di fayecimento relata na Covid-19 a aumenta na 24, condolencia na famianan.
Hospital ta informa cu tin un total di 43 persona interna di cual 9 ta den cuido intensivo y 34 ta isola riba piso general.
