Aruba prepara pa e noticia mas innovativo pa 2021. GM y Stern Automotives ta lansa e revolucion automotor cu bo tabata warda riba dje!
Si abo ta un persona cu ta gusta tecnologia y ta semper pendiente di avanse den mundo automotor, esaki ta e auto cu bo tin di tene cuenta cu n’e. E ta un modelo cu a sa di cosecha hopi popularidad den mercado Latinoamericano pa hopi aña, pero cu a wordo completamente rediseña y awor ta priminti di bira e leader den su segmento den full e region di Centro America y Caribe.
Chevrolet y Stern ta orguyoso di por presenta e vehiculo mas nobo aki den su model line-up na Aruba.
Chevrolet Tracker
E Chevrolet Tracker ta crea pa esnan cu ta en busca continuo di revolucion den area di innovacion.
Diseña door di un ekipo internacional di profesionalnan automotor, e intencion semper tabata ta, pa logra crea un suv cu ta incorpora tur elementonan cu e famia moderno ta exigi y cu ainda hopi marca no por logra, esta e combinacion perfecto di seguridad, tecnologia, diseño, eficiencia y funcion. Den corto- loke nos tur- ta enbusca di e dje.
Un suv cu atractivo diseño universal, practico y espacioso. E innovacion ta cuminsa mas bien bou di e hood. E Chevrolet Tracker ta equipa cu e generacion mas nobo di motor cu General Motors ta estrena.
E ta un motor 1.2L Turbo di 3 cilinder, cu 130 hp di poder, producion di 140lb/ft di torque y acompaña cu un transmission di 6 speed automatico. Cu e combinacion aki Chevrolet ta logra eficiencia absoluto den consumo di gasolin sin sacrifica e poder y funcion cu bo ta spera di haya den un suv.
Visualmente bo por reconoce hopi elemento cu ta resalta riba otro modelonan di Chevrolet cu receintemente a wordo lanza, manera e Chevrolet Onix y e Chevrolet Blazer.
E Chevrolet Tracker ta obtenibel den 3 version: Premier, LT y LS y tur version bin ekipa cu 6 airbags, control di stabilidad, traction control y brakes ABS standard. Pa entretenimiento ta usa un pantaya di 8 inch cu excelente resolucion y di coneccion rapido, e ta equipa cu Apple Carplay y Android Auto; sistema di zonido premium cu seis speaker;
wireless charger pa smartphone; wiper cu sensor automatico pa yobida y sunroof den e version Premier.
Addicionalmente loke ta hala atencion tambe ta e powersteering electronico, spoiler patras, stuurwiel cu remote control pa smart phone connectivity, luznan automatic y riemnan di aluminio den tur version.
Paden tur e componentenan ta dirigi riba comodidad di e chauffeur, for di e panel di instrumento te na e console central cu arm rest, ofreciendo un angulo comodo pa mantene un bon control di e auto.
E stuurwiel tin un estilo deportivo. E aire condiciona ta automatico; yabi inteligente y boton pa cende e auto.
Finalmente e sistema di parking assist- obtenibel den e version Premier – ta un opcion cu solamente ta wordo ofreci den modelonan mas grandi di segmento di luho,
pero awor tambe obtenibel den e Tracker Premier.
Pero pa mas informacion, pasa personalmente na e showroom di STERN GM na Tanki Leendert 122 y experiencia pa bo mes e beyesa, innovacion y eficiencia di Chevrolet Tracker 2021.
