Awe tardi lat, algo pasa di 6:30pm, a sosode un accidente na altura di e birada skerpi na Modanza.
Un auto marca Kia modelo Picanto color bruin numera A-26738 a dal den un auto marca Hyundai modelo Getz color blauw scur numera A- 41452. Ambos chauffeur a resulta levemente herida.
Ambulance a presenta pa brinda asistencia medico na ambos chauffeur. A transporta e pasahero di e Kia pa hospital. Polis di trafico a presenta na e sitio pa investiga kico precies a sosode.
Chauffeur di e Hyundai no tabatin rijbewijs cu ne, cu lo por hink’e den basta problema awo, no solamente cu Polis sino tambe pa paga seguro pa e daño riba e otro auto.
Takelwagen a presenta na e sitio pa por saca e Hyundai cu a cai den e rooi. E Kia tambe tabatin mester di servicio di takelwagen.
