Despues di un confrontacion basta bergonsoso di parti di algun chauffeur di autobus, cu a come otro cu conopi, polis y DTP a presenta pa asina calma cuenta. Nan kier wak con e asunto aki por haya un solucion y evita un confrontacion innecesario.
Iris Franken, kende tambe ta chauffeur di autobus, a conta nos cu pa hopi tempo caba e autobusnan tin problema, cu ta core e ruta di Playa – San Nicolas.
Tur minister cu a bin, no ta atende cu transporte publico manera mester ta. Nos ta Arubiano riba nos isla y ta compronde pa tur chauffeur di San Nicolas y e otronan cu kier e ruta aki en cuestion. Sinembargo no ta husto cu pa hopi tempo ta pidiendo pa caba cu taxistanan pirata. Con e ministernan mes cu tin ley, autoridad cu tin ley, ta bisa cu no por haci nada cu nan. Y esey ta inhusto, segun Franken.
Plachi di number a subi barbaramente, unda un chauffeur di bus por paga 900 florin pa un plachi di number. Franken ta compronde cu e problemanan ta aumentando pasobra hende tin su obligacionnan. Arubianonan no mester para bringa cu otro, sino mester tin solucion. Unda e ministernan cu mester t’ey pa soluciona e problema.
Franken a comenta cu nada no ta wordo haci. Tin cu paga tur clase di belasting. Aruba no ta caro, sino super caro. Franken ta puntra tur e ministernan pa fi’e nan salario pa e por biba y a cambio e ministernan fia e salario minimo wak si nan por biba cun’e.
Franken ta bringa pa su derecho semper y e ta compronde. Tur dia tin cu traha a base di e situacion na Aruba, pero mester bin cu solucion. Un tour ta haci nan trabao, pues trabou di e autobusnan pikiendo tur hende. Y e autobus si no por haci un tour. Arubus ta contra transporte chikito, pa haci transporte publico, siendo cu nan tin subsidio. Arubus mes tin cu drecha su compania y despues sinta critica e autobusnan.
E trabao aki mester ta soluciona y e por, segun Franken. Tin regla y tur hende ta biba di dje. Pero no ta husto cu un A nummer, ta coy varios hende y e minister cu autoridad, no por contesta? Husticia por hinca un cos den otro y bay caya y wak kico ta pasando y no ignora loke ta pasando encuanto taxinan pirata. Franken ta compronde pa tur chauffeur di bus con e cos aki a bira. Pero e no ta haya cu nan no por bringa otro. Mester uni y busca solucion, pasobra no ta facil. Asina e ta, segun Franken.
Desviacion
E situacion ta haci cu e chauffeur di bus chikito ta desvia di ruta pa e gana pida pan. Franken no ta cana pa tin enemigo cu hende. Tur ta bin pa traha pa nan pan. Loke ta pasando, loke e otro coleganan ta bisa di San Nicolas, cu tin dos bus ta bay core San Nicolas piki hende. E ora ey nan ta bin core Playa, pero e tin un solucion. E no mester bira un problema asina. Cada hende por core nan ruta. Tur hende ta desea pa core hotel, pero nan no ta doño. Tin taxi, tin tour, tin O, tin hopi problema eybao. E otro coleganan ta bisa cu nan ta para na e standplaats, pero nan no ta haya e hendenan ey pa nan por gana nan pan. E bolo t’ey y tin snechi pa tur hende. Duna DTP autoridad, su trabao, control, pa por controla. E ora e cos aki ta caba. Duna polis e cartera.
