Dialuna den careda di 5:30PM na e crusada di Marinierskazerne Savaneta a sosode un accidente entre dos auto y un truck. Esaki a pasa na momento cu chauffeur di Lexus no a ripara cu un Vitz a haya chens pa subi caminda grandi.
E chauffeur di Bon Bini Cargo tabata bay direccion pa San Nicolas na momento cu el a duna e Toyota Vitz chens pa subi caminda grandi direccion pa Playa. Na e momento ey e Lexus tabata bin for di San Nicolas pa Playa y e chauffeur no a paga tino cu e truck a duna e Vitz chens pa subi. Consecuentemente e Lexus a dal contra e Vitz, pero despues el a bay dal contra di e truck y subi acera.
Polis di San Nicolas a presenta na e sitio, unda cu nan a tuma datonan di tur partido, pero tambe a pidi asistencia di polis di trafico pa por a cera y guia e trafico di ambos direccion.
E Lexus a sufri hopi daño material. Rapid responder di ambulance tambe a presenta na e sitio pa controla si tabatin herido, cual ningun hende a resulta herida.
