Diahuebs anochi un chauffeur masculino a termina deteni pa agredi un motociclista. Esaki tin di haber pa un comentario duna y e chauffeur no a gusta.
Den careda di 8:25 pm un motociclista tabata pasando riba Watty Vos Boulevard y diripiente chauffeur di Kia Rio number A-55829 kier a bay cambia di lane sin duna señal. E motociclista a alcansa e Kia y a bisa e chauffeur pa pone su señal otro biaha, pero e comentario aki no a cay na bon tera.
E motociclista a sigui su caminda, pero e chauffeur a bay su tras di biaha. E motociclista a hala un banda pa no tabata alcansa p’e auto. E chauffeur a para y baha fo’i auto c’un bike rack y a ataca e motociclista.
Polis a presenta n’e sitio pa asina ricibi informacion di loke a sosode. Aki polis a bay over na detene e chauffeur. A hinc’e den un transporte policial y bay cu ne warda di polis unda lo atende cu ne riba su conducta.