Un chauffeur a perde su libertad den oranan di marduga. E mester gradici Dios cu e ta na bida awe. E tabata core cu e Cube riba e caminda di Palm Beach. Esaki tabata den oranan hopi laat di marduga. 200 meter prome cu Palm Beach Plaza e chauffeur a perde control y bolter.
E auto a keda cuater wiel pa laira despues di e accidente. Polisnan a yega y topa cu e chauffeur basta bebi. A detene hibe warda. E no mester a bay hospital. E auto a keda tur kibra y e chauffeur deteni. Mainta ainda e auto a keda atras como adorno cu cuater wiel pa laira y e chauffeur mes ta sosega den cel na warda di Shaba.
Hopi chauffeur pasando den dia tabata baha velocidad y hasta yama polis. Nan a kere cu ta e momento ey e auto a bolter.