Diasabra atardi prome cu 5:00 pm, polisnan atento a capta un chauffeur di un Toyota Yaris blanco ta core malisimo. Mesora a bay tras di e auto, pero e chauffeur di e auto den prome instante no a haci mucho caso di polis. Unidad motorisa di polis hunto cu un patruya a bay su tras, te ora e chauffeur a drenta den cura di un cas na Calabas.
Mesora a bay over pa detene e chauffeur. Na momento cu e chauffeur a realisa e consecuencia di su acto, a cuminsa medio yora cu e no kier bay cera, pero ya tabata laat caba. Cu boei rond di su man, a haya su mes obliga di keda conforme detencion y warda rib’e transporte policial.
Segun informacion compila na e sitio, esaki no ta prome biaha cu e chauffeur aki sa core bou di influencia di alcohol. E biaha aki si su careda a caba. Ban spera cu esaki por ta un les pa e chauffeur aki. E emocion di berguensa cu nan a gara bo no ta nada compara cu e emocionnan cu lo bin, si mester ocasiona un accidente cu consecuencia fatal.