Dialuna mainta trempan den careda di 7or a pidi presencia di Polis cu urgencia na Tanki Leendert. A drenta informacion cu auto a dal un ciclista y e ta herida benta abou. Varios unidad di Polis a bay na e sitio.
Na yegada a topa cu un chauffeur cu tabata bou influencia. A detene mesora. E victima tabata benta riba caminda. A pidi presencia di ambulance cu urgencia. Na final e victima a bay cu Ambulance. Departamento di trafico a presenta na e sitio.
Tambe dogcatcher a hiba e chauffeur bebi warda pendiente e interogacion. E ciclista tabata bay direccion pariba y e auto tambe. Despues di e impacto tur cos a keda banda pazuid tambe di caminda. E accidente a sosode den e area di Rococo Plaza.
