Diadomingo mainta net algo prome cu 12or a manda Polis pura den direccion di e Brug nobo di Green Corridor. A drenta informacion cu un auto a bolter. Ora cu Polis a yega a laga sera caminda mesora na e rotonde di Ex Drive Inn direccion San Nicolas. E auto tabata bay direccion pariba.
E chauffeur a pega soño na stuur y accidenta. A medio baha caminda ranca palo di luz cu borchi y despues bolter. Ta un Toyota Vitz RHD. Algun hende a core baha for di nan auto y yuda e chauffeur sali y bati alarma. E tabata herida levemente. Ambulance a bay cune Hospital.
Departamento di trafico a haci investigacion y djey a logra pone e auto bek riba su wielnan. E auto a bolter y keda di banda despues.
E auto a haya hopi sla na e parti dilanti. E no ta sirbi mas. Azeta a keda riba caminda y a basha santo pa evita mas peliger. E trafico tabata un caos eybou.
