Awe nochi pa 8:20pm Polis a duna chauffeur di un auto marca Nissan modelo March color oraño, numera A-31809 un instruccion pa para. Pero ta parce cu e chauffeur no kier a coopera y a purba huy. Pero e huymento no a dura mucho pasobra el a chok cu su auto band’i Torino Sport Bar and Grill situa na Tanki Leendert. Ey a deten’e y transport’e pa ward’i polis pa mas investigacion
Ey tin un subida un tiki halto y debi cu e auto ta asina chikito, el a keda pega y chauffeur no por a sigui core. Consecuentemente e chauffeur no tabatin otro opcion cu baha for di e auto y entrega su mes na e defensornan di ley.
Ora polis a controla papelnan di e auto a nota cu e auto no ta di e chauffeur, sino ta di otro hende. Mesora a tuma e auto den beslag pa e doño mes por pasa busc’e na ward’i Balashi.
