Den un evento bon atendi pa miembronan di prensa invita, a purba e diferente platonan cu Charles Grill lo ofrece na su clientenan, desde mañan diabierna ora e habri su porta den forma oficial. E ta situa awor na Jaburibari y lo enfoca riba dos menu, un crioyo merdia y cuminda riba hrill den oranan di anochi.
For di aña 2004 a cuminsa cu e concepto di Charles Grill, cu saconan riba grill. Segun su propietario, Charles Franken, normal tur hende ta haci saco deepfried. Nan ta haci e saconan riba grill cu saucenan special. For di 2004 a cuminsa cu esaki na Santa Cruz den ex Kwihi Inn y despues di eynan a move for di eynan. A haci diferente concepto, pero Charles Grill mes a keda den pipeline y awo a haya e luga perfecto pa esaki, den un area fresco, biniendo bek cu loke ta saco riba grill cu tur hende ta pidi pe.
Leu leu ainda nan ta puntra y ta complace nan. Awo a bin cu e luga bek y e clientenan por disfruta di e saconan riba grill.
Apart di esaki nan tin fingerfoods. Ta entre otro loaded fries, wraps, healthy burgers, diferente cosnan saludabel, tambe nan tin ribs y steaks riba grill.
Charles Grill en principio ta hopi riba grill.
Pa e parti merdia tambe tin grill, pero nan lo concentra mas riba cuminda crioyo, cual ta Charles Grill Crioyo Lunch. A bin cu esaki tempo di Aruban Chef. Hopi hende, entre otro turistanan ta pidi pa cumindanan crioyo.
Pesey e parti merdia lo bay bin cu Crioyo Lunch. Por haya keshi yena, higra den siboyo, diferente plato cu ta custuma cun’e cual ta crioyo.
Orario lo ta for di 10’or y mey di mainta te cu 2’or di merdia, cu lunch. Despues di 2’or ta cera un rato, pero e bar si ta keda habri. Despues di eynan pa 5’or di atardi ta habri bek cu fingerfoods. For di diamars pa diadomingo Charles Grill lo ta habri y dialuna ta cera.
Pa ordo por yama ta 5828830. Diabierna awo, dia 12 di October Charles Grill ta habri cu un Happy Hour pa 5’or di atardi. Pa otro aña lo cuminsa cu delivery tambe. Charles Grill ta situa na Jaburibari panort di Parke Curazon.
