Tanto durante e dianan di veloria como diahuebs ora di servicio religioso na misa Sagrado Curazon na Savaneta, Charise Arends (canta-autora) a haya e honor y reconocimento cu sigur lo a hacie contento. E famia por sinti nan mes orguyoso di e amor y admiracion grandi cu mundo di espectaculo tabatin pa Charise Arends.
E banda cu e tabata forma parti di dje pa hopi aña Banda La Paranda a bini hunto, pa compañe durante e dianan di velorio y tambe diahuebs na misa durante su entiero. A recorda tur e cancionnan cu ela canta of a compone, ilustrando e talento grandi cu Charise tabatin. Pero awo el a bay sosega den brasa di Señor lagando un bashi grandi atras, cerca su mayornan, ruman, famia y amistadnan.
E corteho funebre a pasa na Serlimar, unda Charise tabata labora, unda su ex coleganan a haya chens di tuma despedida di dje.Despues el a sigui pa misa Sagrado Curazon na Savaneta te 4’or di atardi.
Cu Charise sosega na paz.