Bartendernan di Moomba, Nos Clubhuis y Fishhouse tin e honor di ta participando den un programa di entrenamiento cu ta wordo duna door di e Embahador di Bacardi pa Centro America y Caribe.
Carlos Maestracci ta bishitando Aruba pa di tres biaha pa un sesion di entrenamento pa bartendernan, y diamars atardi e tabata na Moomba unda cu a siña e bartendernan pa hinca e mescla perfecto di Bacardi Mojito. “Despues cu e bartendernan aki logra e mescla perfecto, e bar ta haya un placa cu ta wordo poni riba e bar y cu ta bisa cu nan ta certifica pa Bacardi Mojito,” Maestracci a splica.
Bacardi ta certificando bartenders di Moomba, Hadicurari y Nos Clubhuis
Posted by 24ora on Tuesday, June 4, 2019
Nan a cuminsa cu e programa di cerificacion na Mexico y awor a cuminsa bay den e region di Centro America y Caribe.
Lizzy Arends di Tropical Bottling tambe tabata presente y tabata hopi contento pa e forma con e Embahador di Bacardi Mojito a wordo ricibi y a duna e bon noticia cu pronto Aruba ta bira e prome pais unda lo trece un training di Patron Tequila.
