Directiva di Centro di Bario Playa Pabao ta organisa e fiesta di Dera Gay den su Centro. E actividad aki ta cuminsa 8:00 pm y ta termina pa 12:00 am. Directiva di Centro di Bario Playa Pabao ya tin algun siman preparando pa e actividad aki. Ya tin dos grupo a confirma nan participacion cu ta Grupo Folclore di Santa Cruz bou di direccion di Lia Lopez y Dazzling Dancers.
E musica lo ta den man di Rincon Boyzzz. Bar y cushina lo ta bon surti y no ta cobra entrada. Directiva di Centro di Bario Playa ta desea e pueblo di Aruba un dushi dia San Juan y ta invita un y tur pa participa activamente den e celebracion aki. Laga nos proteha nos fiesta cultural di San Juan pasobra si nos mes no hacie ningun hende lo hacie pa nos.
Directiva di Centro di Bario Playa Pabao tambe ta haci un suplica pa no kima mondi y destrui nos naturalesa. Pues diabierna 24 di juni nos ta topa na Centro di Bario Playa Pabao pa celelebra e fiesta di Dera Gay.
