Diaranson, riba Dia di Rey, a tuma luga un acto protocolar den Wilhelmina Park, caminda cu diferente mandatario y parlamentario a haci acto di presencia.
Tabatin entre otro marina Hulandes, cu a atende musicalmente e hisamento di e banderanan di Aruba y di Hulanda y tambe cantamento di e respectivo himnonan, na honor di e cumpleaño di Rey Willem-Alexander.
Durante di e dia aki tabatin presentacion di diferente grupo di baile y di canto, caminda cu e publico presente por a disfruta.
Tin di indica cu tabatin un publico basta grandi cu a atende e actividad aki.
Fuera di e acto protocolar, tabatin entrega di Copa Hubenil Gobernador Felipe Tromp, unda cu a reconoce e Seleccion Hubenil di Damas U-14 y tambe Aaron Antonio Arenas.
Pa mayor cobertura lesa TREMPAN.
