Riba e dianan 27, 28, 29 y 30 di Juli a tuma lugar den MFA Paradera, e promer torneo
international di dam pa celebra e 25 anniversario di club di dam Arowak. Paisnan presente tawata Aruba, Curacao, Bonaire y Suriname. E torneo a wordo hunga den 2 categoria. Un categoria Open, y un categoria Hubenil bow 18 anja.
Chief Arbiter di e torneo tawata Hensley Rondei di Korsou. Hensley ta un arbiter official di
Federacion Mundial di Dam (FMJD) y un persona hopi conoci den mundo di dam den e
continente di las Americas. Den categoria Open, un total di 14 hungador a participa. 7 rond a wordo hunga segun e systema swisa, unda ganadornan ta hunga cu otro. Tur rond, tur hungador ta keda hunga. Despues di 7 rond, tawata tin un empate na promer lugar entre Clifton Agatha y Raoul Alias. Ambos hungadornan di Korsou. Clifton y Raoul a termina ambos cu 11 punto. Clifton tawata tin contrincantenan mas fuerte (mas punto di resistencia), y a keda na promer lugar. Y Raoul Alias na segundo lugar.
Na tercer lugar a termina Carlos Lorevil tambe di Korsou.Carlos a score 9 punto for di 7 partido. E mihor hungador di Aruba, tawata Juan Enrique (Ricky) Nisbeth. Ricky a score 6 punto for di 7 partido. Den Juvenil bow 18 anja, 6 hungador a inscribi. Pero solamente 3 hungador a presenta durante e torneo. Na promer lugar a termina Angel Luis Suarez di Aruba cu 7 punto. Segundo lugar a bay pa Patrick Williams tambe di Aruba cu 3 punto y tercer lugar a bay pa Bonaire Virginio Cicilia. Virginio a score 2 punto. For di Federacion di Dam di Korsou, Club di dam Arowak a ricibi un bunita plakaat pa conmemora e 25 anja di existencia di Club di dam Arowak.
