Por a tuma nota cu pa dia e casonan di COVID ta sigui aumenta. Ya pa awe e casonan a yega 460, haciendo cu a registra un total di 79 caso nobo, di cual 13 di nan ta turista y 66 ta residente.
Segun e resumen di awe e cifranan aki ta representa un ‘Positivity rate’ bou di nos residentenan di 32%. Cantidad di fayecidonan relaciona cu COVID-19 ta 110.
Datos ta indica un subida continuo di casonan nobo cu un average semanal di 54 caso pa dia y un average di ‘positivity rate’ semanal di 25% pa dia.
Hospital tin 10 persona interna di cual 3 ta den ICU, 2 ta den ICU como caso activo y 1 ta den ICU como caso inactivo y riba piso general tin 7 persona interna di cual 6 ta caso activo y 1 inactivo.
