Diasabra mainta trempan Gay Cora a canta den Caya Grandi. Informacion a drenta cu e restaurant ta na candela. Polis y bombero a yega. Trabounan a cuminsa pa evita expansion. E area di come a bay perdi completamente. E daño parti paden ta mustra limita.
E doñonan a presenta y a mira cu nan mesun wowo con nan negoshi tabata bay perdi. Diferente unidad di bombero a presenta y haci atakenan for di diferente area. A logra domina e candela pero e daño ta hopi. Den un combersacion cu e doñonan a splica cu nan tin hopi molester di choller. Net caminda e candela a cuminsa e chollernan ta frecuenta pa huma nan droga. Hopi biaha ta polis mester yama pa core cu e chollernan. Tin hasta choller ta kibra den e negoshi.
A kibra e bar mas cu un biaha. E choller femenino Deyanira Krozendijk diabierna mes a haci expresionnan menazante ora cu a core cu ne for di e sitio. E mes nan a graba mas cu un biaha ta kibra den e bar y bay cu cos. Kiermen e prome sospecho ta riba e choller aki. Cameranan di siguridad instala lo mustra ken tabata den e area prome cu e candela a cuminsa.
E chollernan sa bira e camera prome cu nan causa daño of bin horta na e negoshi. Finalmente despues di casi dos ora e candela tabata completamente domina. E bon ta cu dilanti e restaurant mes tin un hydrant. A activa mesora pa evita cu awa por caba den e proceso di combati e candela. E luga ta sigura segun propietario. E speransa ta cu nan por atende e problema y purba lanta bek pa sigui sirbi e pueblo cu nan dushi BBQ tur dia.
