Diasabra marduga pa 1:15 am polis a topa cu un homber canando memey caminda, lomba sunu, na altura di e rotonde di Santa Cruz. Polis a para nan auto tras di e persona y a baha pa atende cu ne pero e homber no a tende di nan y a djis sigui su caminda.
Cu tactica polis a bay su tras na pia y na altura di Mundo Nobo Supermarket a logra deten’e. Mester menciona cu e homber no a papia ningun palabra y a nenga di contesta pregunta cu e polis a hacie na e sitio, mientras tabata warda riba e vehiculo special di transporte di detenido.