Polis tabata presente na Sabana Basora diasabra mainta, pa mas of menos 10:45 am, pa un accidente cu a sosode entre un KIA Sportage colo blanco y un quadracer.
Segun chauffeur di e Sportage, fo’i tempran caba e chauffeur di e quadracer tabata coriendo na un manera iresponsabel, ta pasa auto y mucho mas.
Na altura di Nagico Savaneta, autonan tabata para den fila, pa asina bay den direccion di San Nicolas. Dado momento chauffeur di e Sportage a sinti un sla tra’i su auto.
Tabata trata aki di dos turista cu a keda levemente herida den e accidente aki. A pidi asistencia di ambulance, pero di un of otro manera no a presenta. Polis di trafico mes a hiba e turistanan ImSan pa nan haya tratamento medico.
