Entrante dialuna 19 di juli te cu 30 di juli 2021 for di 9:00 am pa 4:00 pm, lo bay cera caminda principal di San Nicolas pa Oranjestad. Esaki ta na haltura di Brug di Peaton na Pos Chikito pa haci e trabounan di mantencion di e brug.
E desviacion di San Nicolas pa Playa lo tuma luga 19 di juli 2021 – 23 di juli 2021. E desviacion di Playa pa San Nicolas lo tuma luga 26 di juli – 30 di juli 2021.
DOW, C.I.C. N.V. y KPA ta pidi pueblo di Aruba y tur automobilista pa tene cuenta cu e desviacion aki y e inconveniencia cu lo por surgi pa cual nos ta pidi nos disculpa y ta gradici pa e comprension y cooperacion.
