Cacho a morde turista lague tur spanta

1342

Diamars pa asi 12.30 di merdia a tuma luga un incidente na Matadera cu a laga un persona cu lesion pero no di gravedad.

Tabata trata di un turista, kende tabata mustra spanta.Segun por a compronde for di loke el a splica Polisnan cu a yega na e sitio, ta cu e tabata canando bay direccion di su apartamento ora cu di repente un cacho a core bin den su direccion y a dal un hap na su pia of atake. Ta trata di un homber di edad caba, kende ta a bin disfrutando di algun tempo na Aruba pa relaha su mes. 

E homber a bisa e Polisnan cu su pia ta haci dolor y por a mira cu e parti unda el a ricibi e lesion, ta manera blauw caba. Despues di e sucedido el a cana bay su apartamento. E Polisnan a pidie pa mustra na unda e hecho a tuma luga, pa papia cu doño di e cacho. E doño di e cacho a pidi mil disculpa na e homber y no tabata sa cu e animal a bula sali for di su cura. Polisnan a recorda pa e mara e cacho, cual el a haci tambe. E turista no a busca tratamento medico, y a bay su apartamento bek.