Habitantenan disgusta a tuma contacto cu polis pa presencia di un bus di placer cu a aparece band’i caminda den bario di Bubali.
Polis a presenta den area di Bubali pa atende cu bisiñanan cu a vocifera nan mal contento, nan disguso, cu un bus cu hende a laga atras cant’i caminda. Esaki a sosode den careda di 3:00 pm. Segun e habitantenan , esaki ta un mahos bista mirando cu e bus ta uno basta bieu.
Di otro banda a compronde cu e bus a hay’e den dificultad na momento cu un piesa a kibra y nan a opta pa laga e bus para na sitio temporalmente. A informa e propietario cu e tin cu hala esaki lo mas pronto posibel.
