Brouwerij Nacional Balashi tin un cerbes nobo y esaki ta e Magic Mango. E creacion nobo aki di cerbes ta un edicion limita y ta hopi dushi. Den e ultimo dianan aki nan tin basta idea y ta hopi great. Brouwerij Nacional Balashi kier a haci algo cu no tin hopi riba mercado, unda cu a mira un buraco y asina nan a bay p’e. Diabierna a presenta e cerbes aki cu ta un edicion limita y di un sabor completamente nobo.
A haci uzo di e mesun size di boter cu e cerbesnan Chill y Balashi, segun Marisol Heronimo, Brewmaster Brouwerij Balashi. Un diferencia ta cu a dicidi di uza un boter bruin y no e blanco, pasobra boter ta uno hopi bon pa wanta calidad di cerbes. A scoge pa no bay haci uzo di boter blanco of berde, cual ta keda pa Chill y Balashi. Tur cerbes di edicion limita lo bin den boter bruin.
Pa cumpra e cerbes Magic Mango, por haci esaki via e plataforma social di Brouwerij Nacional Balashi, segun Heronimo. Nan tin un website, unda hendenan ta haciendo pedido di e productonan online pa despues entrega esaki te na cas. Unabes cu purba e cerbes Magic Mango, aki tur hende lo por sinti e diferencia. E idea tabata pa trece algo completamente nobo, refrescante y cu lo “blow your mind”.
E motibo cu brewmaster Heronimo a scoge pa traha cerbes di sabor mango, ta pasobra e gusta e fruta aki y door cu e ta di Playa. Aunke cu tin hopi fruta na Aruba, e unico mata di fruta cu e tin den cura ta di mango. E cerbes Magic Mango lo ta riba mercado te ora cu e caba. E edicion limita aki tin bon prijs di 50 florin y despues di entrega e boternan bek, bo ta haya statiegeld. Bin purba edicion limita cerbes Magic Mango.