Diamars 14:45pm trafico a keda mal pega den oranan di merdia pa un boto cu a cay for di su trailer. Esaki a sosode riba e caminda grandi di Green Corridor.
Specificamente e accident aki a sosode riba e caminda principal di Pos Chikito cu a trece un stagnacion inmenso. Na yegada di polis a cera parti di e caminda p’asina duna espacio pa e doño cu su ayudante por a logra pone e boto stabiel bek riba su trailer.
Segun e chauffeur, nan tabata direccion pariba y dado momento a scucha un zonido duro. Den spiel a tuma nota cu e boto a cay for di e trailer.
Na final a logra pone e boto bek riba e trailer y a sigui nan destinacion. Tanto e boto parti patras como e motor a sufri basta daño.