E apertura ta tuma luga diasabra dia 4 di november. Durante e presentacion tur mucha ta cera conoci cu tur autor di buki pa mucha y ilustrado di storia. Tambe publico ta cera conoci cu contado di cuenta.
Na 2023 e tema ta ‘Mi Buki, Mi Cas’. Tur aña ta scoge un tema nobo pa duna e festival un indole diferente. “Nos ta sigui stimula mucha pa lesa,” segun director di biblioteca, Astrid Britten.
Pa 5:00pm e libreria localnan lo t’ey presente pa asina cu cada compra di 25 florin of mas, bo lo ricibi e buki di regalo di siman completamente gratis, y pa 6:00pm e show mes lo cuminsa habri pa e muchanan di Princes Amalia Basischool cu lo baila e cantica di e aña aki.
E Festival di Buki pa Mucha ta dura un siman y ta tuma lugar di dia 6 pa dia 10 di november 2023. Den siman di 6 pa 10 di november hopi autor tanto di Aruba como for di Hulanda, Corsou, Boneiro y St. Eustatius ta bishita mas cu 50 scol.
Y atardi tambe tin presentacion na biblioteca na Oranjestad y San Nicolas. Di e manera aki ta entusiasma muchanan pa lesa mas, lesa hunto y bishita biblioteca mas. Miembresia di biblioteca a bira gratis na 2023, cu ta un regalo pa tur mucha. Riba nan website tin mucho mas informacion di tur autor, https://www.bibliotecanacional.aw/pages/
