Diahuebs atardi ‘Biblioteca den Bario’ a tene su clausura, cual a tuma luga na Dakota. Segun Glenda Zavala-Maduro, kende ta forma parti di actividad hubenil di Biblioteca Nacional, tabatin e prome den e bario di Rancho. Djey nan a bay Club Bubali y awo finalmente nan a cera na Dakota.
Zavala-Maduro a manda gradici tur mayor y e muchanan cu a acudi n’e actividad ‘Biblioteca den Bario’. E tabata hopi leuk, segun su comentario y a haya hopi mucha, incluyendo esun di Bubali, unda cu e acogida tabata hopi grandi.
Tambe a gradici e barionan cu a acudi y habri nan porta, p’asina Biblioteca por tabata den e bario hunto cu e muchanan.
P’e tabata un sorpresa cu Miss Aruba a bin conta storia n’e muchanan di Dakota. Zavala-Maduro a comenta cu el a acerca un ex-colega di dje, esta Astrid Gietel, kende pa colmo ta tanta di Miss Aruba. Nan dos, cu a nace den e bario di Dakota, ta contando storia p’e muchanan di nan mesun bario y pa Zavala-Maduro tabata algo masha leuk. Ta gradici Centro di Bario y Deporte Dakota, cu a habri nan porta diahuebs atardi, p’e actividad por a tuma luga.
Pa mas cobertura lesa TREMPAN.
