E aña aki Benu Pharmacy a tene nan seminario y esaki tabata duna pa drs. Johan Kooistra, kende ta un experto riba e area di “longmedicatie” y “inhalatietechnologie”, pero tambe ta duna presentacion na boticario, dokternan di cas y pulmon. E Benu Health Seminars su topico tabata di Astma y COPD y Han Deelstra, gerente general di Benu Pharmacy di Aruba, Corsou y St. Maarten, a expresa.
Benu Pharmacy ta un botica grandi y ta hunga un rol grandi den comunidad, di cual nan ta desaroyando un programa di cuido. Deelstra a expresa c u esaki ta Benu Health Series y lo sigui cu mas topico pero ainda no sa cua nan lo ta. Benu Pharmacy no kier simplemente duna caha di remedi, pero kier duna pashent mas informacion cu ta yud’e den su cuido.
Nan tin un responsabilidad corporativo y esey ta un di e motibonan cu ta sigui cu e franchise di Benu pa asina duna bek na comunidad. Johan Kooistra ta duna seminario den 3 diferente tipo y e Benu Health Seminars: Astma & COPD tabata pa publico. El a mustra e publico con pa uza “inhalators”. Tambe lo bay tin un seminario pa assistentnan enfocando riba con pa siña pashentnan con pa uza inhalators”.
Dialuna lo bay tin charla pa dokternan y boticario, unda lo ta enfocando riba tur tipo di “inhalators” cu tin y con pa scoge esun miho pa pashent. Hopi biaha ta haya cu un pashent ta uza un spray y un puiro, pero e idea ta pa sigui un linea den esey.
Johan Kooistra ta forma parti di e programa Inhalatie Coach y a duna charla riba inhalatie. Tin hende ta pensa “inhaleren” ta algo cu simplemente bo ta haci. Den practica por mira cu 9 di 10 persona ta haci fout ora di “inhaleren”. A haya reaccion positivo di esnan presente y pa Kooistra e seminario tabata un exito.
