Saliendo for di e punto cu cada minister ta responsabel pa e manera con e ta maneha e proceso di permiso cu ta cay bou di su cartera, Minister di Asuntonan Economico, mr. Geoffrey Wever a duna di conoce cu e base di data cu el prepara pa su departamentonan ta na disposicion di otro ministerio. Di e manera aki kier fomenta un agilisacion den e tramite di permiso otorga door di gobierno.
Actualmente, e sistema di permiso ta traha di un manera cu cada permiso ta cay bou responsabilidad di un cierto minister segun e Landsverordening Instelling Ministeries (LIM). Minister Wever a indica cu, pa cuminsa, cada negoshi mester un vestigingsvergunning.“Esey ta e prome parti cu mester ta in place.
Nos a percura pa esey cana na un manera mas eficiente y rapido y esey lo tin impacto riba e resto di e cadena,” asina Wever a bisa. Na mesun momento, e creacion di e base di data digital dunando opcion na otro departamento pa obtene y verifica informacion, ta parti di e vision pa acelera e otorgamento di permiso.
Pa e relato completo, lesa TREMPAN
