Ayera nochi despues di 11:15pm, un patruya di Polis a pasa controla e Well Well Bar & Restaurant na Santa Cruz, pa sigura cu nan ta manteniendo nan mes na e ora stipula di cera. Aunke e luznan tabata paga y e porta cera, toch un cantidad di hende a keda aglomera pafo, ta sigi bebe.
Polis mesora a cuminsa ordena tur hende pa nan cuminsa bay cas. A drenta paden den e establecimento tambe, pero no a topa cu ningun iregularidad. Esunnan pafo, pocopoco a bandona e sitio y asina e patruya a continua su caminda.
