Un dama di edad a yama polis awe mainta pa un supuesto caso di ladronicia den su cura di cas.
Diaranson den careda di 10:00AM, polis a presenta na un cas na Mamoticastraat, Dakota caminda un señora grandi tabata bou imprecion cu un desconoci a drenta su cura di cas parti patras y purba horta su airco bay cu ne. Den splicacion e tabata bisa cu nan a purba kita e schroefnan, pero a resulta cu ta e tapa so a cay y cu tur cos ta intacto.
E señora a hala un rosea di alivio y tabata masha contento cu e atencion di e polisnan cu a bin atende cun’e. Lo ta un bon conseho pa esnan cu tin nan grandinan na cas pa tira un bista mas frecuente riba nan, pa asina nan no sinti nan mes insigur.
