Den un mundo yen di malicia y maldad, caminda matrimonio y famia ta core peliger, ta bon pa nos para keto un rato y busca tur manera pa lanta nos yiunan. Drechi, decente, integro cu bon caracter, pasobra cada dia mundo ta birando mas scur.
Si awor aki nos cu ta mayor ta luchando tur dia contra atakenan di maldad y scuridad, cu kier invadi y domina bida di nos yiunan den e forma mas amplio di palabra, kico lo para si nos para keto y laga nos muchanan biba pa biba, sin ningun clase di respet y moral.
Esun cu ta sembra biento lo cosecha horcan, pasobra no gaña boso mes, Dios no ta laga haci bofon di dj’E, pasobra loke un hende sembra esaki tambe lo e cosecha (Galationan 6:7).
Ken ta embahadornan spiritual den Cristo Hesus?
Awel un embahador spiritual den Cristo Hesus ta yama pa proclama Cristo. Y ta dirigi hende na obediencia, manteniendo un bida yen di testimonio di fe y compromiso cu Dios.
Kico ta e beneficionan di Embahador spiritual den Cristo Hesus?
Autoridad Lucas 10:19:
Mira mi ta duna boso autoridad pa trapa riba colebra y scorpion, y riba tur poder di e enemigo, y nada lo haci boso daño. 1 Corintionan 4:20: Pasobra e reino di Dios, no ta consisti di palabra, sino di poder.
Teritorio: Tur luga cu boso planta di pia lo trapa, lo ta di boso, Deuteronomio 11:24+25.
Inmunidad:
Pa aresta maldad y mara plan di e enemigo, nada lo por stop boso, pasobra e man di Dios lo ta riba boso bida (Mateo 18:18) (Daniel capitulo 6).
Siguridad Salmo 23:4.
Maske mi cana den e valle di sombra di morto, mi no tin miedo di maldad, pasobra Abo ta cu mi, Bo bara y Bo garoti ta consola mi.
Prosperidad Isaias 54:13 Señor lo siña tur bo yiu hombernan y e prosperidad di bo yiu hombernan lo ta grandi.
Provision di Dios Filipensenan 4:19:
Mi Dios lo provee tur loke boso tin mester, segun su rikesa den Gloria den Cristo Hesus.
Proteccion di Dios 2 Reynan 6:16+17:
Asina e a contesta no tene miedo, pasobra esunnan cu ta cu nos ta mas cu esunnan cu ta cu nan.
A yega tempo pa nos uni como pueblo di Dios, luchando contra tur adversidad diabolico pa lanta e yiunan Honesto. Humilde , Integro, y dependiente di Dios, pa nan por ta Embahadornan Spiritual den Cristo Hesus.
Jeremias 17:7: Bendiciona ta e hende cu ta confia den Señor, y kende su confiansa ta den Señor.
P’esey como mayor nos mester para firme den nos matrimonio, dunando bon testimonio di fieldad na Dios y na nos pareha, stimando otro manera Cristo ta stima su Iglesia.
Con bo ta bira un Embahador Spiritual den Cristo Hesus?
Ricibi bo salbacion Juan 3:3:
Hesus a contesta y a bis’e: Di berdad, di berdad. Mi ta bisa bo . Si un hende no nace di nobo. E no por mira e reino di Dios.
Transforma Bo mente:
Romanonan 12:2: Y no sea conforme e mundo aki, ma sea tranforma pa medio di renobamento di boso mente, pa boso por comproba, kico ta e bon y agradabel y perfecto boluntad di Dios.
Purifica boso curason:
Santiago 4:8: hala cerca Dios y E lo hala cerca boso, limpia boso mannan, boso pecadornan y purifica boso curason, boso di curason dobel.
Intimidad cu Dios Amos 3:7:
Sigur cu Señor no ta haci nada, sin cu e revela Su conseho secreto na Su Sirbidonan, e profetanan (Daniel 2:25-30).
Laga nos tur como mayor responsabel pone man na obra.
Sinceramente,
Pastoor Marcel Balootje.
