Diasabra awo dia 11 di december Methodist Church di Aruba ta tene su prome bid (silent auction) di 6:00 pm pa 8:30 pm di anochi na Graf von Zinzendorf School na Bernhardstraat 259 na San Nicolas. E meta di e bid ta pa recauda fondo pa proyecto social y proyecto comunitario cristian particularmente Meals on Wheels.
E bid ta uno silencioso (caminda ta mustra interes pa un mercancia riba papel) y tambe ta bay tin diferente snack box y cuminda tipico di diferente parti di Caribe na benta. Tin paña, regalo y decoracion di pasco, arte y ‘gift certificates’ di diferente comerciante y restaurant local. Den e bid ta bay tin mercancia pa tur cartera, pa grandi y chikito. E mercancia mayor di e bid ta un jersey di Xander Bogaerts (#2) firma pa tur hungado di Boston Red Sox (cu a uza den torneo di MLB 2021) den un frame. Otro ehempel ta gift certificates di dr. Walker pa tratamento di problema cu roncamento of beugel.
E evento ta den cura di Graf von Zinzendorf School y e bid mes lo ta den gymzaal de e scol. Den un bid silencioso ta mustra interes pa un mercancia door di scirbi e contribucion cu ta desea di haci riba un papel (asina yama ‘bid card’). Tanten cu e bid no cera otronan tambe por indica (atrobe via papel) cu ta desea di contribui cu un suma mas halto pa e mesun mercancia.
Durante e bid (cu lo ta di 6.00 pa 8.00 p.m.) y despues cu ta haci e administracion final (te 8.30 di anochi) lo tin entretenimento di entre otro steelpan di Nico Connor y e grupo di baile di Methodist Church na playa. Lady D.j. tambe lo tey pa trece ambiente di pasco. E mercado di cuminda ta bay tin entre otro snack boxes cu snacks friew of cayente, ayaca, “saoto soep”, pisca y aros cu bonchi, curry chicken, bolo y mucho mas.
Ta invita henter pueblo di Aruba pa pasa na Graf von Zinzendorf School na Bernhardstraat 259 na San Nicolas di 6:00 pa 8:30 di anochi pa contribui cu Meals on Wheels cu ta duna 80 famia cuminda cayente 2 biaha pa siman. Aruba Methodist Church ta existi pa mas cu 80 aña na Aruba y ta conta cu bo ayudo pa por keda yuda esnan vunerabel den momento di necesidad. Ta gradici tur hende di antemano cu ta contribui y cu lo haci e prome subasta uno exitoso. Y danki tambe masha grandi na tur cu a duna mercancia pa e subasta.
